Politika e Privatësisë

Përditësuar më 6 nëntor 2026.

Kjo politikë tregon cilat të dhëna personale mbledhim në budiagclima.al, pse i mbledhim, sa kohë i mbajmë dhe cilat janë të drejtat tuaja sipas Ligjit nr. 124/2024 "Për mbrojtjen e të dhënave personale".

Kush i përpunon të dhënat

Kontrolluesi i të dhënave është Budiag Clima Shpk, NUIS L71509032C, Rruga Zajza, Vorë. Për çdo pyetje për të dhënat tuaja na shkruani te info@budiagclima.al ose na telefononi në +355 68 800 0666.

Çfarë mbledhim dhe pse

Forma e kontaktit: emri, email-i, tema dhe mesazhi, për t’ju përgjigjur.
Kërkesat për ofertë: emri, telefoni, email-i, pozicioni dhe të dhënat që shkruani për ambientin ose produktin, si qarku ose qyteti, lloji i ambientit, sipërfaqja, numri i dhomave, kati, shërbimi, sasia, instalimi dhe mesazhi, për të përgatitur ofertën.
Forma e garancisë: emri, telefoni, email-i, kodi postar, adresa, lloji i pajisjes, data e blerjes, numri i identifikimit dhe emri tregtar i shitësit, për të trajtuar garancinë.
Të dhëna teknike: me çdo formë ruajmë adresën IP, të dhënat e shfletuesit dhe faqen nga u dërgua, për siguri dhe për të ndaluar mesazhet e padëshiruara. Serveri i hostimit regjistron gjithashtu vizitat në faqe për arsye sigurie.
Statistikat: vetëm nëse pranoni Google Analytics, mbledhim të dhëna për mënyrën si përdoret faqja, si faqet e vizituara, pajisja dhe vendndodhja e përafërt.

Mbi çfarë baze ligjore

Kontrata ose hapat para saj: ofertat, garancia dhe kërkesat për produkte.
Interesi i ligjshëm: t’ju përgjigjemi kur na shkruani, të mbrojmë faqen dhe t’ju njoftojmë për produkte e shërbime.
Detyrimi ligjor: kur ligji kërkon t’i ruajmë disa të dhëna.
Pëlqimi: Google Analytics.

Nuk jeni të detyruar të na jepni të dhëna, dhe faqen mund ta shfletoni pa dhënë asgjë. Pa fushat e detyrueshme të një forme, kërkesa nuk dërgohet dhe nuk mund t’ju përgjigjemi. Faqja nuk u drejtohet personave nën 16 vjeç.

Njoftimet me email

Email-in e formës së garancisë mund ta përdorim për t’ju njoftuar për produkte të reja, shërbime dhe oferta. Nëse nuk i dëshironi, shënoni kutinë përkatëse në formë. Mund ta kundërshtoni këtë edhe më vonë, në çdo kohë dhe pa dhënë arsye, duke na shkruar.

Cookies

budiag-clima-session dhe XSRF-TOKEN: cookies të nevojshme që mbrojnë format. Zgjasin 2 orë.
_ga dhe _ga_*: cookies të Google Analytics, që vendosen vetëm nëse i pranoni. Zgjasin deri në 2 vjet.
bc-consent: ruan në shfletuesin tuaj përgjigjen që keni dhënë për Google Analytics.

Përgjigjen mund ta ndryshoni në çdo kohë nga lidhja "Cookies" në fund të faqes. Tërheqja e pëlqimit nuk prek përpunimin e bërë më parë.

Harta në Kreu dhe te Kontakto vjen nga Google Maps. Kur shfaqet, Google merr adresën tuaj IP dhe mund të vendosë cookies të veta, sipas Politikës së Privatësisë së Google.

Kush i sheh të dhënat

Kërkesat tuaja i sheh stafi i Budiag Clima. Për t’i ruajtur dhe dërguar përdorim ofruesit e hostimit dhe të email-it, ndërsa mirëmbajtësi teknik i faqes mund t’i shohë kur e kërkon puna. Faqja hostohet te Hostinger. Nëse pranoni Google Analytics, statistikat përpunohen nga Google. Të dhënat tuaja nuk ua shesim të tjerëve.

Transferimi jashtë Shqipërisë

Serverët e Hostinger dhe të Google ndodhen jashtë Shqipërisë, ndaj të dhënat mund të përpunohen në vende të tjera, edhe në Shtetet e Bashkuara nga Google. Mbrojtja e tyre mbështetet te kushtet për mbrojtjen e të dhënave që zbatojnë këta ofrues. Për një kopje të këtyre kushteve na shkruani.

Sa kohë i mbajmë

Kërkesat i mbajmë sa kohë duhen për t’ju përgjigjur dhe për të ndjekur ofertën ose garancinë, si dhe aq sa kërkon ligji. Të dhënat e formës së garancisë i mbajmë deri në mbarimin e garancisë. Të dhënat e Google Analytics i mban Google për periudhën e caktuar në llogarinë e faqes. Nuk marrim vendime të automatizuara për ju.

Të drejtat tuaja

Sipas ligjit keni të drejtë:

të dini nëse i përpunojmë të dhënat tuaja dhe të keni akses te to;
të kërkoni korrigjimin, plotësimin ose fshirjen e tyre, si dhe të harroheni;
të kërkoni kufizimin e përpunimit;
t’i merrni të dhënat tuaja në një format të përdorur gjerësisht dhe t’ia kaloni një kontrolluesi tjetër;
të kundërshtoni përpunimin, edhe për marketing të drejtpërdrejtë;
të mos i nënshtroheni vendimeve të automatizuara;
të tërhiqni pëlqimin në çdo kohë.

Për t’i përdorur këto të drejta na shkruani te info@budiagclima.al. Përgjigjja është falas dhe vjen brenda 30 ditëve. Në raste të ndërlikuara afati mund të zgjatet deri në 60 ditë, dhe ju njoftojmë për këtë.

Nëse mendoni se të dhënat tuaja përpunohen në shkelje të ligjit, mund të ankoheni te Komisioneri për të Drejtën e Informimit dhe Mbrojtjen e të Dhënave Personale (idp.al) ose në gjykatë.

Ndryshimet

Kur e ndryshojmë këtë politikë, data në krye të faqes përditësohet.